Magsasagawa muli sa Setyembre ng bloodletting activity program ang SM Foundation Incorporated katuwang ang Philippine Red Cross (PRC).
Sa panayam ng DWIZ kay Dalfhen Samson, Assistant Project Manager for Health and Medical Programs ng SMFI, sinabi nito na inaayos na nila ang iskedyul ng susunod na bloodletting activity program.
Bago pa ang COVID-19 pandemic, madalas nang makipag-ugnayan ang SMFI at PRC sa iba’t ibang ahensiya ng gobyerno para sa pagdo-donate ng dugo.
Pero dahil nasa gitna ng pandemya ang bansa, kasama na ngayon sa tinututukan ng dalawang ahensiya ang mga residente ng Condominium maging ang mga naninirahan sa mga Residential areas upang makapag-donate ng dugo.
So during pandemic po ang ginawa po namin, since naka-quarantine po nga yung mga tao, nag focus po kami sa mga SMDC Condominium since nandun na po yung mga tao doon na po natin ginawa yung bloodletting, dun na rin po nating ginawa yung medical mission, quarantine bawal silang lumabas nandoon naman po sila..kasi nga po nong pandemic halos nagzi-zero yung blood bank kailangan nating tumulong na magkaroon ng suplay and even po umabot po kami sa Cavite yung mga mababang kaso ng COVID, nagkaroon kami sa mga malls.
Ang pahayag ni Dalfhen Samson, Assistant Project Manager for Health and Medical Programs ng SMFI sa Panayam ng DWIZ