Binuweltahan ng Philippine National Police – Anti Cybercrime Group (PNP-ACG) ang mga kritiko ng panukalang sim card registration bill.
Ito’y kasunod ng batikos ng mga kritiko na nilalabag umano ng naturang panukalang batas ang privacy ng publiko.
Ayon kay PNP-ACG Spokesperson, P/Lt. Michelle Sabino, wala silang nakikitang dahilan para malabag ng panukala ang privacy ng bawat indibiduwal.
Naniniwala ang ACG na makatutulong pa nga ang nasabing panukala para mabilis na matukoy ang mga kriminal at matugis ang mga ito sa ilalim ng batas.
Batay sa datos, sinabi ni Sabino na karamihan sa mga kasong kanilang naitatala ay ang online-estafa at identity theft. – ulat mula kay Jaymark Dagala (Patrol 9)
