Isang shabu laboratory ang nadiskubre ng Philippine Drug Enforcement Agency o PDEA sa kanilang ikinasang raid sa isang bahat sa Cogeo, Antipolo City.
Nakuha naman dito ang aabot sa P500,000 halaga ng mga hinihinalang shabu, marijuana at cocaine.
Habang limang suspek ang naaresto kabilang ang magkakapatid na sina Junjie, Junrel at Jansen Chavez at dalawa pang kasamahan na sina Malome Amahan at Jess Christopher Marcaida.
Ayon kay PDEA Special Enforcement Service Director Levi Ortiz, ang nakitang shabu lab ay nakatago sa ilalim ng isang kama sa loob ng nasabing bahay.
Maliban naman sa mga iligal na droga, narekober din ng pdea ang ilang drug paraphernalia at mga armas.
—-
