Nangako si Senadora Miriam Defensor Santiago na itataas nito ang lebel ng talakayan sa huling yugto ng Pili-Pinas Presidential Debates sa darating na araw ng Linggo.
Inihayag ito ni Santiago kasunod ng kanyang kumpirmasyon sa pagdalo sa debate dahil sa aniya’y bumubuting kundisyon ng kanyang kalusugan.
Sa kanyang pagharap sa mga estudyante ng Bulacan State University sa lungsod ng Malolos kahapon, nanawagan din si Santiago sa mga kapwa kandidato na tigilan na ang batuhan ng putik.
Gagagawin ang huling yugto ng Pili-Pinas 2016 presidential debates sa University of Pangasinan sa Dagupan City.
By Jaymark Dagala
