Tiniyak ng isang senador ang pagbabantay sa paggastos sa budget ng Department of Education (DepEd).
Ito ang sinabi ni Basic Education Committee chairman Senator Sherwin Gatchalian matapos ilaan sa DepEd ang pinakamalaking alokasyon sa 2023 national budget, na nasa 12%.
Ayon kay Gatchalian, hindi nila pahihintulutang hindi magamit ng mabuti ang disbursement sa budget ng DepEd upang hindi ito masayang.
Tutulong din aniya sila sa kagawaran sa pamamagitan ng suhestiyon kung paano magagastos nang mabuti at wasto ng ahensya ang kanilang budget sa susunod na taon.
Sa taong 2023, nasa P678B ang kabuuang budget ng DepEd kasama na ang confidential fund na nasa P30M.
