Nagpatutsada si Senador Antonio Trillanes sa mga Senador na kumukwestyun at nagdududa sa pahayag ni retired SPO3 Lascañas hinggil sa kanyang spiritual renewal.
Sinabi ni Trillanes na walang karapatan ang sinuman na ipilit sa iba ang kanilang moralidad.
Iginiit ng Senador na bagamat hindi naging santo si Lascanas matapos ang spiritual renewal niya, malaki, aniya, ang ipinagbago ng retiradong pulis dahil tumigil na siya sa pagpatay.
Samantala, pinag-aaralan nina Trillanes ang iba pang pwedeng gawin sakaling itigil na talaga ng Committee on Public Order and Dangerous Drugs ang imbestigasyon kay Lascañas.
May pangangailangan, aniya, para masusing imbestigahan ang mga isiniwalat ni Lascañas lalo pa’t dalawa na sila ni Edgar Matobato na nag-aakusa kay Pangulong Rodrigo Duterte na nag-utos ng mga pagpatay noon sa Davao City.
By: Avee Devierte / Cely Bueno
