Suportado ni incoming Senate President Koko Pimentel ang ginawang paglagda ni Pangulong Rodrigo Duterte sa Executive Order sa Freedom Of Information na bigong maipasa bilang batas ng nakaraang Aquino Administration.
Ayon kay Pimentel, isusulong rin nila sa Senado ang pagpasa sa FOI Bill na sumasaklaw naman sa lahat ng sangay ng gobyerno.
Sakop lamang ng FOI Executive Order ang lahat ng departamento, bureau, agencies at tanggapan sa ilalim ng Executive Branch.
Samantala, sinabi naman ni Senador Kiko Pangilinan na maghahain siya ng FOI Bill sa pagpasok ng 17th Congress.
By: Meann Tanbio
