“Choose your battles.”
Ito ang ipinayo ni Senador Panfilo “Ping” Lacson kay Batangas First District Representative Leandro Leviste, kasunod ng naging pahayag ng kongresista na may humiling anya sa kanya mula sa administrasyon na magtungo na lang sa ibang bansa upang matigil ang paglalabas nito ng mga ebidensya hinggil sa flood control anomalies.
Ayon kay Senador Lacson, bagama’t humahanga siya sa katapangan ni Congressman Leandro, masyado anyang “risky” ang mga nagiging hakbang nito.
Kaugnay nito, tikom naman si Senador Lacson na magkomento hinggil sa naging pahayag ng batang kongresista hangga’t hindi pa niya nakukumpirma ang naturang impormasyon.
—sa panulat ni Daniela De Guzman
