Hindi pa makapagdesisyon si Senador JV Ejercito kung lilipat na sa super majority na sumusuporta kay Senador Koko Pimemtel sa pagka-Senate President o mananatili sa kampo ni Senador Alan Peter Cayetano na hindi pa rin sumusuko sa hangaring maging lider ng Senado.
Ipinaliwanag ni Ejercito na pareho niyang kaibigan sina Pimentel at Cayetano kaya’t nahihirapan siyang mamili sa dalawa.
Sa kabila nito, umaasa si Ejercito na magkakasundo at magsasama na lang ang dalawa dahil kapwa sila kaalyado at sumusuporta kay President elect Rodrigo Duterte.
Maging si Senator elect Juan Miguel Zubiri ay nanawagan kina Pimentel at Cayetano na sa halip na magbangayan, makabubuting magsanib-puwersa na lang ang mga ito.
by: Meann Tanbio
