Pinaigting pa ng Philippine Coast Guard (PCG) ang seguridad sa lahat ng pantalan sa Mindanao.
Kasunod ito ng pag-kondena ng Coast Guard sa kambal na pagsabog sa Marian Cathedral ng Our Lady of Mount Carmel sa Jolo, Sulu.
Ayon kay Coast Guard Commandant Admiral Elson Hermogino, mahigpit ang direktiba ni Transportation Secrtetary Arthur Tugade na tiyakin ang mahigpit na seguridad sa mga pantalan sa Mindanao at laging maging handa at magbantay sa lahat ng oras.
Isang opisyal ng Coast Guard na si Seaman Second Class Jaypee Galicha ay kabilang sa mga nasawi sa nasabing pagsabog samantalang sugatan ang dalawa pang opisyal din ng ahensya na sina Petty Officers 3 Joemar Sanson at Paolo Isolana.
—-
