Tiniyak ng Quezon City Police District (QCPD) ang pagbibigay ng seguridad kay Judge Jocelyn Reyes kahit pa naibaba na ang hatol para sa mga akusado sa Maguindanao massacre case.
Ayon kay QCPD director Police Brigadier General Ronnie Montejo, full force ang ibibigay nilang seguridad kay Judge Reyes at hindi aniya ibababa ang lebel ng seguridad kahit pa sa mga susunod na buwan.
Sinabi ni Montejo, hindi nila iniaalis ang posibilidad na magkaroon ng banta sa buhay ang hukom matapos na hatulang guilty sina Datu Andal Unsay Ampatuan Jr., Datu Zaldy Ampatuan Jr., at iba pang mga pangunahing akusado sa Maguindanao massacre case.
Kasabay nito, patuloy naman ang intelligence gathering ng QCPD para panatilihin ang katahimikan at seguridad sa kanilang nasasakupan.
