Tinawag na malisyoso ni Vice President Leni Robredo ang kumakalat na video hinggil sa umano’y lihim na pagkikita nila ni Commission on Elections (COMELEC) Chairman Andres Bautista.
Ito’y makaraang ipinakita sa nasabing video na magkahiwalay umanong lumabas sina Robredo at Bautista sa isang apartment sa Makati City.
Ayon sa Bise Presidente, totoong nagkita sila ni Bautista ngunit iyon ay para sa hapunan na inorganisa ng socialite na si Baby Cruz kung saan, kumbidado rin si Chairman Bautista.
Pinabulaanan pa ni Robredo na hindi silang dalawa lamang ni Bautista ang naroon kundi maging sina US Ambassador to the Philippines Philip Goldberg at si Ombudsman Conchita Carpio Morales.
Paliwanag pa ni Robredo, napadpad siya roon dahil ninang niya si Cruz na siyang nagpatawag ng naturang hapunan.
By Jaymark Dagala | Jonathan Andal (Patrol 31)
Photo Credit: gma network