Nagpapatuloy pa rin ang search and rescue operations sa mga indibidwal na nawawala, dulot ng epekto ng bagyong Agaton.
Pagtitiyak ni Mark Timbal, tagapagsalita ng National Disaster Risk Reduction and Management Council (NDRRMC), umaasa pa rin ang mga otoridad na may makitang survivors mula sa landslides.
Nilinaw naman ni Colonel Noel Vestuir, Commander ng 802nd Infantry Brigade, na hindi pa nila idinedeklara ang search and retrieval operation, para mabigyang pag-asa ang pamilya ng mga nawawala.
Batay sa ulat ng NDRRMC kaninang alas-otso ng umaga, nasa 172 pa rin ang bilang ng nasawi dahil sa bagyo habang 110 ang nawawala.
