Tiniyak ng National Disaster Risk Reduction and Management Council na sapat ang suplay ng pagkain at iba pang pangangailangan ng mga residenteng apektado ng pag – aalburuto ng Bulkang Mayon.
Ito ayon kay NDRRMC Spokesperson Romina Marasigan ay kahit umabot pa ng tatlong buwan ang mga residente sa mga evacuation centers.
Sinabi ni Marasigan na paparating na ang iba pang tulong mula sa national government bukod pa sa mga naka – standby na suplay sa Regional Disaster Risk Reduction and Management Council – Region 5.
Taliwas aniya ito sa sinabi ni Albay Governor Al Francis Bicharra na papaubos na ang kanilang suplay para sa mga residenteng nagsilikas sa lugar.
Sa ngayon ayon sa NDRRMC ay aabot na sa halos 27 Milyong Piso ang halaga ng ayuda na ipinarating sa mga apektado ng pag- aalburuto ng Bulkang Mayon.
