Sapat ang bilang mga bibiyaheng bus ngayong holiday season.
Tiniyak ito ng Land Transportation Franchising and Regulatory Board (LTFRB) matapos ikasa ang pag-apruba sa special permits ng halos 1,000 bus sa ilalim ng ‘Oplan Biyaheng Ayos: Pasko 2019’.
Ang mga nasabing bus ay papayagang bumiyahe mula December 23 hanggang January 3, 2020.
Ang halos 1,000 bus ay magsasakay ng mga pasahero patungong Northern Luzon, Southern Luzon, Bicol, Visayas at Mindanao.
Ipinabatid ni LTFRB Technical Division Chief Joel Bolano na sumalang sa mahigpit na proseso ng pag-inspeksyon ang mga bus na nag-apply ng special permit at tinutukan ang road worthiness ng mga bus unit at kahandaan ng kanilang drivers.
