Nasakote ng militar at pulisya ang isang umano’y miyembro ng Abu Sayyaf Group (ASG) na hinihinalang sangkot sa Samal Island kidnapping at pagpatay sa dalawang bihag sa Zamboanga City.
Kinilala ang suspek na si Adzrimar Sali Ammat, kilala sa mga alyas na “Adz”, “Abu Omar” at “Guru Adin”, at tubong Tabu Batu, Maimbung, Sulu.
Nabatid na nahuli si Ammat ng mga pulis at sundalo sa Campo Islam sa nasabing lungsod.
Si Ammat ay sinasabing may nakabinbin na mga kasong kidnapping with homicide sa isang korte sa Panabo City, Davao del Sur at isa pang kaso ng kidnapping with ransom sa Bongao, Tawi-Tawi.
