Muling nagpaalala si Labor Secretary Bienvenido Laguesma sa mga employer kaugnay sa 13th month pay ng mga regular na empleyado sa pribadong sektor.
Ayon kay Laguesma, ibinigay na ng kanilang ahensya ang kopya ng kompyutasyon para sa mandatory benefits ng mga manggagawa.
Sa ilalim ng ipinatutupad na batas ng DOLE, ang 13th month pay ng isang empleyado ay hindi dapat mas mababa sa ika-labindalawa ng kabuuang pangunahing sweldo sa loob ng isang taon.
Sinabi ng kalihim na karapatan ng mga empleyado na makatanggap ng 13th month pay at dapat maibigay ito bago mag Disyembre a-24.
Iginiit pa ni Laguesma na wala ding dapat na magiging exemption o deferment sa pagbibigay ng bonus ng mga empleyado.
