Muling dinagdagan ng 10 bagong ruta ang biyahe ng mga modern jeepneys simula ngayong araw, Biyernes, 26 ng Hunyo.
Ayon sa Land Transportation Franchising and Regulatory Board (LTFRB), ang 10 ruta ay dagdag sa naunang napabyahe sa mga lansangan ng Metro Manila.
Narito ang karagdagang mga ruta:
- byaheng Quirino Highway papuntang UP Town Center,
- SM Fairview hanggang Commonwealth,
- byaheng QMC Loop,
- Tikling papuntang Binangonan,
- mula Antipolo hanggang Pasig via East Bank Road,
- Rosario papuntang Pinagbuhatan sa Pasig,
- byaheng West Aveune papuntang P. Noval,
- Biñan papuntang Balibago via Manila South Road,
- Mula Tramo papuntang Sucat,
- at Byaheng San Isidro papuntang Congressional Junction Dasmariñas.
Magugunitang nagbalik lansangan ang mga modern jeepneys noong 22 ng Hunyo makaraang suspendihin ang operasyon nito dahil sa umiiral na community quarantine.
