Magpapatupad ng road closure at traffic rerouting scheme sa ilang bahagi ng Makati City.
Layunin nitong bigyan-daan ang nakatakdang bar examinations na gaganapin sa lungsod sa Pebrero a–4 hanggang a–6.
Sa advisory, ipatutupad ng Makati Public Safety Department ang pagsasara ng JP Rizal Street Extension mula buting hanggang Lawton Avenue sa mga nasabing petsa o simula alas-4 ng madaling araw hanggang alas-8 ng umaga.
Ipinaalala naman ng lokal na pamahalaan sa mga kukuha ng pagsusulit sa na dapat magpakita sila ng exam permit para makapasok ang kanilang mga sasakyan.
Inabisuhan na rin ang mga motorista na gumamit ng alternatibong ruta sa mga nabanggit na araw.
Isasagawa ang bar exam sa 29 na testing centers sa buong bansa, kabilang ang limang venue sa Metro Manila tulad ng University of Makati at University of Santo Tomas sa Maynila. —sa panulat ni Mara Valle
