Nagpatupad ng malawakang balasahan sa matataas na opisyal ang Philippine National Police (PNP) kahapon, Marso a-1.
Apektado ang 18 opisyal kabilang na ang 16 na Heneral at dalawang Colonel.
Napromote bilang Deputy Chief for Administration si Police LT. Gen. Israel Dickson na dating Deputy Chief for Operations.
Papalitan ni Dickson si Police LT Gen. Joselito Vera Cruz na nakatakda nang magretiro sa Marso a-8.
Umangat din sa pwesto si Police LT. Gen. Rhodel Sermonia na bagong Deputy Chief for Operations habang nailipat naman bilang Directoral Staff si National Capital Region Police Office (NCRPO) Chief Police Maj. Gen. Vicente Danao Jr.
Papalit kay Danao sa NCRPO si Police Maj. Gen. Felipe Natividad na galing sa Special Action Force (SAF). —sa panulat ni Angelica Doctolero
