Resulta ng Pacquiao-Horn fight ipa-rereview sa WBO

Hihilingin ng GAB o Games and Amusements Board sa World Boxing Organization na i-review ang resulta ng laban nina Manny Pacquiao at Jeff Horn.

Sa isinumiteng sulat nina GAB Chairman Abraham Mitra at Commissioners Eduard Trinidad at Matthew Gaston, iginiit ng mga ito na nirerespeto nila ang desisyon ng mga judge.

Gayunman, kinakailangan anilang ma-review ang naturang laban kung kinakailangan bang patawan ng sanction ang referee at judges sa katatapos lamang na Pacquiao-Horn fight.

Matatandaang nanalo si Horn kontra Pacquiao via unanimous decision, na umani ng kritisismo mula sa boxing experts at fans.

By  Meann Tanbio   

Comments

comments