Labing tatlong (13) senador ang lumagda na sa resolusyon na naggigiiit na tanging ang Senado lamang ang maglilitis at magpapasya para maalis sa puwesto ang impeachable officials tulad ni Chief Justice Maria Lourdes Sereno.
Kabilang sa mga lumagda sa resolusyon sina Senate Minority Floor Leader Franklin Drilon, Senate Pro-Tempore Ralph Recto, Senador Antonio Trillanes IV, Risa Hontiveros, Bam Aquino, Francis Pangilinan at Leila de Lima.
Bukod pa ito sa mga senador na nabibilang sa Majority Bloc tulad nina Senate President Aquilino Pimentel, Senador Francis Escudero, Sherwin Gatchalian, Joel Villanueva, Grace Poe at Sonny Angara.
Hinimok ni Hontiveros ang mga kapwa senador na manindigan laban sa desisyon ng Korte Suprema na aniya’y nagnakaw sa kapangyarihan ng Senado na mag-alis ng impeachable officer sa pamamagitan ng impeachment trial.
—-
