Isinusulong ng LTFRB o Land Transporation Franchising and Regulatory Board ang pagkakaroon ng regular na sweldo ng mga taxi drivers.
Ito ay matapos malaman ni LTFRB Member Aileen Lizada na itinaas sa 250 pesos ng mga taxi operators sa Davao City ang kanilang sinisingil na boundary.
Ayon kay LTFRB Board Member Aileen Lizada, napapanahon na para palitan ang kasalukuyang sistema ng pagba-boundary na ipinatutupad ng operators at palitan ng pagbibigay ng regular na sahod.
Iginiit ni Lizada, nauunawan nilang kinakailangan ng mga operators na kumita pero dapat din aniyang tignan ang kapakanan ng mga drivers na naghahabol din ng kita.
Paliwanag naman ng mga taxi operators sa Davao City, kanilang itinaas ang boundary para makasunod sa modernization program ng pamahalaan.
