Nanawagan sa China si Presidential spokesman Salvador Panelo na imbestigahan ang pagbangga ng Chinese vessel sa bangkang pangisda ng mga Pilipino na naging sanhi ng paglubog nito.
Sinabi ni Panelo na dapat ring parusahan ng China ang mga sakay ng Chinese vessel dahil inilagay nila sa panganib ang buhay ng mahigit 20 mangingisda nang abandonahin nila ang mga ito.
Binigyang diin ni Panelo na aksidente man o sinadya ang nangyari, idinidikta anya ng sanlibutan na dapat ay sinagip ng crew ng Chinese vessel ang mga mangingisdang Pilipino na sakay ng bangka.
Samantala, tiniyak ni Panelo na nabigyan na ng ayuda ang mahigit 20 crew ng FB Gimber 1 makaraang mailigtas sila ng Vietnamese vessel mula sa pagkalunod.
