Iginiit ng kumpaniyang I-Rekrut Manpower na siyang recruitment agency ng Pinay Overseas Worker na si Janette Opido na hindi nila ito pinabayaan o inabandona.
Iyan ang reaksyon ni Ronald Collado, managing director ng I-Rekrut makaraang kumalat sa social media ang tila paninisi sa kanila sa sinapit ni Opido sa bansang Kuwait.
Ayon kay Collado, ini-ulat nila sa Philippine Overseas Employment Administration (POEA) ang sinapit ng OFW makaraang gupuin ito ng sakit na Pneumonia.
Kasunod nito, itinuro rin ni Collado ang isang Glaiza Gamboa na miyembro ng isang Non-government Organization (NGO) na siyang nasa likod ng pagpapatakas sa ospital kay Opido.
Magugunitang dumating na sa Pilipinas kahapon ang labi ni Opido lulan ng eroplanong nagbuhat pa sa bansang Kuwait kung saan, sinalubong ito ng mga nagdadalamhating pamilya, ka-anak at kaibigan.
Photo Credit: Google Image
