Viral ngayon sa social media ang two-day official visit ni Japanese Prime Minister Fumio Kishida sa bansa dahil sa successful bilateral meeting nito kasama si Pangulong Ferdinand Marcos Jr.
Sa isang briefing, tiniyak ng Department of Transportation (DOTr) sa Japanese Prime Minister ang dekalidad na training na handog ng Philippine Railways Institute (PRI) sa railway engineers, operators, at technicians sa ilalim ng Build Better More campaign ni Pangulong Marcos Jr.
Sa isang statement, tinawag ni Transportation Secretary Jaime Bautista si Prime Minister Kishida bilang “tireless cheerleader for Philippine progress.”
Recipient ang railway sector ng bansa ng tulong pinansyal mula sa Japan. Sa katunayan, siyam na big-ticket transport projects sa bansa, kabilang ang five railways, two aviation at two maritime, ang nakikinabang sa Japanese aid na nagkakahalaga ng 1.315 trillion yen o humigit-kumulang 1.503 billion pesos.
Kasama sa limang railway projects ang mga sumusunod:
- LRT Line 1 Cavite Extension
- LRT Line 2 East Extension
- MRT Line 3 Rehabilitation and Maintenance
- North-South Commuter Rail System
- Metro Manila Subway Project
Donasyon din ng Japan ang state-of-the-art train simulator room sa PRI na mismong ininspeksyon at ginamit ni Prime Minister Kishida nitong November 4, 2023. Dito, pinatunayan ni Undersecretary for Railways Cesar Chavez na handa ang Pilipinas na palakasin ang kakayahan ng mga Pilipino sa pagpapatakbo ng railway systems nito. Kaugnay nito, patuloy na nagsasagawa ng training ang PRI bilang paghahanda sa pagbubukas ng MRT Line 7 sa taong 2025.
Bukod sa mga ito, siniguro rin ni Prime Minister Kishida ang patuloy niyang suporta sa public-private infrastructure developments ng Pilipinas na kaugnay sa Build Better More campaign at Smart Agriculture and Renewable Energy Adoption ng administrasyong Marcos.
Sa kabila ng iba’t ibang hamon, on track pa rin ang Pilipinas sa commitment nito sa Japan. Para naman kay Pangulong Marcos Jr., nagbibigay ang Japan ng hindi matitinag na suporta at matatag na pakikipagkaibigan sa Pilipinas. Kaya naman hindi na nakapagtataka nang sinabi ng Prime Minister na nasa golden age na ang relasyon sa pagitan ng Japan at Pilipinas.
Ayon nga kay Secretary Bautista: “Prime Minister Kishida has always been a member of the Philippine railways team. He’s all aboard.”
