Pinalilista ng Quezon City Government ang mga empleyado nitong kabilang sa LGBT o lesbian, gay, bisexual at transgender community.
Ayon kay Quezon City Mayor Herbert Bautista, ito para sa bubuoing asosasyon ng mga LGBT para tumutok kanilang mga karapatan at matigil ang anomang uri ng diskriminasyon sa trabaho.
Sa memorandum ni Bautista ay inatasan nito ang mga department at unit head para isumite ang pangalan ng mga LGBT employees hanggang sa Setyembre 15.
Kabilang aniya dito ang mga regular, contractual at mga empleyadong nasa ilalim ng job order.
