Nakalipat na ng tirahan ang “queen of soul” na si Jaya kasama ng kaniyang pamilya makaraang masunog ang tinutuluyan nilang bahay sa Silverdale, Washington America.
Sa instagram post ng singer kaniyang ibinahagi ang isang email kung saan, mayroong nag-offer sakanila para makapagrenta ng bahay sa Richardson, Texas.
Agad namang pinasalamatan ni Jaya ang panginoon maging ang lahat ng nag-alala at nagbigay ng tulong sa kanila.
Matatandaang nanawagan ang singer ng tulong para sa muling pagbangon ng kanilang pamilya matapos ang trahedya kung saan, nakalikom sila ng mahigit 8.4 thousand dollars dahil narin sa fundraising ng kaniyang mga kaibigan.
