Magluluwag na ng restrictions ang Quezon City government sa mga mall at restaurant.
Ayon ito kay Quezon City Mayor Joy Belmonte dahil bumababa na ang kaso ng coronavirus disease 2019 (COVID-19) sa lungsod at para tuluyan na ring makabangon ang ekonomiya nito.
Ipinabatid pa ni Belmonte na maaari na ring magsagawa ng tiangge, flea markets at bazaars basta’t ililista lang ng event organizers ang mga dadalo at mahigpit na ipatutupad ang health protocols.
Sinabi ni Belmonte na katuwang nila ang Quezon City Police District sa mahigpit na pagpapatupad ng pagluluwag ng mga panuntunan sa mall at restaurant lalo na’t 94% ng mga dinapuan ng COVID-19 sa lungsod ang gumaling na.
