Personal na binisita ni Philippine National Police o PNP Chief P/Gen. Dionardo Carlos ang burol ni P/Lt. Kenneth Tad-Awan
Nasawi si Tad-Awan matapos tambangan ng CPP-NPA habang nagsasagawa ng humanitarian activity ang Pulisya sa Lapinig, Northern Samar kahapon
Nagpaabot ng kaniyang pakikiramay si Carlos sa naulilang pamilya ni Tad-Awan at ini-abot ang naaangkop na tulong para sa mga naiwan
Kasunod nito, pinangunahan naman ng bagong Regional Director ng Eastern Visayas PNP na si P/BGen. Bernard Banac ang paggagawad ng Medalya ng Kadakilaan kay Tad-Awan
Ayon kay Banac, hindi matatawaran ang ipinakitang tapang ni Tad-Awan nang ibuwis ang sariling buhay, maipagtanggol lang ang kaniyang mga kasamahan mula sa banta ng mga rebelde
