Naniniwala si House Committee on Appropriations Vice Chairman at Marikina Representative na ang pagpapalawak ng subsidy program o mga ayuda ay magpapalakas ng ekonomiya at makatutulong din mabawasan ang epekto ng inflation sa ating bansa.
Ito ang inihayag ng mambabatas kasunod ng plano ng administrasyon ni Pangulong Ferdinand Marcos Jr. na expansion ng ayuda.
Ayon kay Quimbo, welcome development ito para palakasin ang spending o yung paggastos ng mga mamamayan.
Ito rin ang pinakamabisa na depensa laban sa inflation o yung mabilis na pagtaas ng presyo ng mga pangunahing bilihin.
Kaugnay nito ay binigyang diin ni Quimbo na makatutulong din kung ie-expand pa ng pamahalaan ang pagbibigay ng fuel and fertilizer subsidies para mapalakas ang produksiyon sa sektor ng agrikultura at matitiyak pa ang seguridad sa pagkain.
Una nang naiulat na target ng marcos administration na maglaan P206.50-B na halaga ng subsidiya at tulong-pinansyal sa ilalim ng 2023 budget.
