Tiniyak ng Department of Agriculture na muli nang magbabalik sa normal ang presyuhan ng pulang sibuyas sa mga pamilihan.
Ito ang inihayag sa DWIZ ni Agriculture Sec. William Dar makaraang payagan na nito ang pag-aangkat ng mga pulang sibuyas mula sa ibang bansa.
Pero paliwanag ng kalihim, sasapat lamang ang mga inangkat na sibuyas sa loob ng 2 buwan at inaasahang makababawi na ang lokal na produksyon nito sa panahon ng anihan.
Magugunitang halos kasing presyo na ng baboy ang kada kilo ng sibuyas na pumalo sa mahigit P200 nitong holiday season.
Pinag-igting natin yong guidelines, para pagdating dito sa bansa nong mga imported, alam natin kung saan dadalhin. At anytime we will inspect that, hindi na pwedeng magtago ngayon.
Ayon pa sa kalihim, nais nilang sobrahan pa ng lokal na magsasaka ang kanilang produksyon dahil malaki ang demand para rito.
Gayunman, aminado si Dar na problema pa rin ang smuggling ng mga produkto sa bansa kaya’t may mga ginawa na silang paghihigpit para matiyak na hindi mga ipinuslit ang ibebenta sa merkado.
Well smuggling is always a problem of the country. Marami ang smuggled items, hindi lang siguro itong sibuyas, marami ang dapat bantayan. Iyon ang threat sa local products natin.—ani Sec. Dar sa panayam ng Sapol ni Jarius Bondoc.
