Inaasahang dodoble pa ang presyo ng paputok at iba pang pyrotechnic devices sa Bocaue, Bulacan.
Mahigit isang buwan ito bago salubungin ng mga Pilipino ang taong 2023.
Ayon kay Lea Alapide, Presidente ng Philippines Pyrotechnics Manufacturers and Dealers Association Inc., isa sa mga paputok na nagtaas na ng presyo ay ang 16-shot aerial pyrotechnics na dating nasa P950 ay nasa P2,000 na ngayon.
Ang kakulangan sa mga kemikal na ginagamit sa paggawa ng paputok ang pangunahing dahilan ng pagtaas ng presyo.
Bunsod din ito ng ipinatupad na lockdown dahil sa Covid-19 pandemic, kung saan huli na ang pagbili ng mga manufacturers ng paputok.
Matatandaang una rito, sinabi ng Pyrotechnics Regulatory Board ng Bulacan na si Gov. Daniel Fernando na ang pagsabog noong nakaraang taon sa isang pabrika ng kemikal sa China, na pangunahing supplier ng lokal na industriya ng paputok, ay nag-ambag sa kakulangan ng mga hilaw na materyales.
