Bahagyang tumaas ang presyo ng ilang school supplies partikular ang ilang brand ng pad paper at notebook.
Ayon sa Philippine School Pads and Notebooks Manufacturers Association (PHISPANO), 15 hanggang 20 porsyento ang dagdag-presyo sa paper school supplies, bunsod ng pagtaas ng presyo ng papel sa pandaigdigang merkado.
Inihayag ni PHISPANO President Gerry Lim Bon Hiong na ang increase ay katumbas ng P1.50 hanggang P2 dagdag presyo sa kada item ng papel.
Gayunman, mas malaki pa anya dapat ang hiniling nilang porsiyento ng dagdag o additional 40 percent lalo’t malaki ang demand ng papel sa China.
Samantala, nakatakda namang pulungin ng Department of Trade and Industry (DTI) ang mga opisyal ng PHISPANO sa susunod na linggo.
—-
