Pinangalanan ni Pangulong Rodrigo Duterte ang tatlo pang mga opisyal na sangkot sa operasyon ng illegal na droga sa bansa.
Sa kanyang talumpati sa 2016 Presidential Awards for Filipino Individuals and Organizations Overseas na ginanap sa Malacañang, tinukoy ng Pangulo ang pangalan nina dating Congressman Vicente Belmonte, dating Iligan City Mayor Lawrence Cruz, at isang Mayor Willy Lim.
Sinabi ng Pangulo na ang Pilipinas ay isa ng malaking drug industry at hindi niya kakayaning lutasin ito mag-isa.
Samantala, nagparunggit din ang Presidente sa isang Senadora na aniya’y kasama sa drug list, subalit nabigyan pa ng award sa Washington D.C.
By: Meann Tanbio / Aileen Taliping
