Plano ng Commission on Elections (COMELEC) na ipagbawal ang premature campaigning para sa May 2025 midterm elections.
Ito ayon kay COMELEC Chairman George Erwin Garcia ay bilang bahagi ng constitutional duty ng poll body na ipatupad at pangasiwaan ang mga batas sa halalan.
Binigyang-diin ng COMELEC Chairman na sa ilalim ng poll automation law, maituturing lamang na isang kandidato ang sinumang maghain ng Certificate of Candidacy kapag nagsimula na ang panahon ng kampanya.
Gayunman, irerespeto aniya ng comelec sakaling harangin ito ng supreme court.
Matatandaang noong taong 2009, pinagtibay ng korte suprema ang probisyon sa kaso ng Peñera versus COMELEC na naging daan upang maalis ang premature campaigning bilang election offense. – sa panunulat ni Maianne Dae Palma