Nahatulan ng anim na taong pagkabilanggo ang dating Red Power Ranger Star na si Ricardo Medina Jr, dahil sa pagpatay sa kanyang roommate gamit ang isang espada, noong Enero 2015.
Ayon kay Medina, idinipensa lamang niya ang kanyang sarili nang bigla siyang pasukin ng nakaalitang si Josh Sutter.
Mula sa orihinal na kasong first degree murder, ibinaba ito sa voluntary manslaughter, kung saan siya ay naghain ng guilty plea.
Nakita sa autopsy ng biktima na nagtamo ito ng sampung saksak, kabilang na ang mga tumama sa kanyang kamay at sa tiyan.
By Katrina Valle
