Nagbabala ang PAGASA o Philippine Atmospheric Geophysical and Astronomical Services Administration sa posibleng pag-ulan sa mga huling araw ng Semana Santa kung mabubuo ang isang bagyo sa silangan ng Mindanao.
Ayon sa PAGASA, sa ngayon ay cloud cluster pa lamang ang naturang sama ng panahon na namataan sa layong 2,000 kilometro mula sa Mindanao.
Inaasahang magiging low pressure area (LPA) ito ngayong Martes bago tuluyang maging bagyo sa mga susunod na araw.
Dahil dito, inihayag ng PAGASA na asahan ang pag-ulan sa ilang bahagi ng Visayas at Mindanao sa Biyernes Santo hanggang sa linggo ng pagkabuhay.
By Meann Tanbio
