Ibinabala ng World Health Organization (WHO) ang posibleng paglobo ng kaso ng dengue sa Pilipinas.
Ayon kay Dr. Gundo Weiler, WHO country representative, nakaamba ang severe dengue at dapat maghanda ang bansa sa isang major epidemic ngayong taon.
Batay sa datos ng Department of Health nasa 106,630 ang kaso ng dengue sa buong bansa at 456 rito ang nasawi.
Kasabay nito, pinayuhan ng WHO ang mga Pilipino ng mga dapat gawin upang maiwasan ang dengue.
Ugaliin umano ang paglilinis ng kapaligaran partikular ang mga imbakan ng tubig na maaaring pamugaran ng mga lamok.
