Ipinauubaya na ng Malacañang, partikular sa anti-Money Laundering Council (AMLC), ang hakbang ng gobyerno sakali mang hilingin ng International Criminal Court ang pag-freeze sa assets ni dating Pangulong Rodrigo Duterte.
Ayon kay Palace Press Officer Undersecretary Claire Castro, walang sinisino ang AMLC.
Kung tutuusin aniya, noon pa dapat sana na-freeze ang assets ng dating presidente na may kaugnayan naman sa plunder case na isinampa ni dating Senador Antonio Trillanes IV.
Bukod kay sa dating pangulo, matatandaang kasama din sa inasunto ni dating Senator Trillanes si Senator Christopher ‘Bong’ Go.—sa panulat ni Laica Cuevas mula kay Gilbert {Perdez (Patrol 13)
