Tukoy na ng PNP o Philippine National Police ang pagkakakilanlan ng middleman na nakipag-ugnayan sa biyuda ni Korean businessman Jee Ick Joo patungkol sa ransom ng asawa nito.
Gayunman, tumanggi si PNP Chief Director General Ronald ‘Bato’ dela Rosa na magbigay ng karagdagang detalye at nagsabing hintayin na lamang ang resulta ng ginagawang imbestigasyon hinggil dito.
Idinagdag pa ni Dela Rosa na hindi pa naman matukoy ng PNP kung may nagsilbing spotter o nagturo kay Jee Ick Joo para biktimahin ng mga pulis.
By Meann Tanbio | Report from Jonathan Andal (Patrol 31)
