Pansamantalang pamumunuan ni Police Deputy Chief for Administration General Camilo Cascolan ang Philippine National Police (PNP).
Ito ay sa oras na magretiro na si Police Chief General Archie Gamboa, Bukas, Setyembre a-2 kasabay ng kanyang 56th birthday.
Ayon kay Presidential Spokesperson Harry Roque, ang kanyang tanging tiyak na maanunsyo ay ang awtomatikong paghalili bilang OIC ni Cascolan sa magreretirong si Gamboa.
Sinabi naman ni Roque na naipabatid na sa kanya ni Pangulong Rodrigo Duterte ang inisyal na napili nitong susunod na PNP chief bagama’t hindi pa niya ito maaaring ianunsyo.
Magugunita namang nagsilbi rin bilang OIC ng PNP si Cascolan noong Enero matapos na bumagsak ang sinasakyang helicopter ni Gamboa noong Enero.
