Ipinauubaya na ng pamunuan ng Philippine National Police (PNP) sa kampo ng dati nilang hepe na si P/Gen. Oscar Albayalde ang pagsagot sa mga naging pahayag ni Senate Blue Ribbon and Justice Committee Chairman Richard Gordon.
Ito’y matapos dikdikin ni Gordon si Albayalde at inirekumenda pa niyang kasuhan ito kasama ang 13 pulis Pampanga na sangkot sa maanomalyang operasyon sa Mexico, Pampanga nuong 2013 dahil sa recycling of illegal drugs.
Ayon kay PNP Spokesman P/BGen. Bernard Banac, bahala na ang mga abogado ni Albayalde ang sumagot sa mga panibagong paratang ni Gordon laban sa dating PNP Chief.
Dagdag pa ni Banac, wala na silang ugnayan pa ng dati niyang hepe mula nang lumisan na ito sa Kampo Crame nuong Lunes na siyang araw nang i-anunsyo nito ang pagiging Non Duty Status.
