Nagpaalala ang Philippine National Police (PNP) sa publiko na maging mapanuri sa kumakalat na pekeng pera lalo na ngayong panahon ng kapaskuhan.
Sa isang panayam, sinabi ng tagapagsalita ng PNP na si Police Colonel Jean Fajardo, tumataas ang kaso ng mga pagnanakaw at panloloko kapag papalapit na ang holiday season.
Pinayuhan ng PNP ang publiko na sa mga authorized money changer lamang magpapalit ng pinaghirapang pera at gamitin ang ‘feel-look-tilt’ method para suriin ang security features ng New Generation Currency (NGC) Banknotes para hindi mabiktima ng mga manloloko.
Bukod pa rito, hinikayat ni Fajardo ang mga kababayan na bumili na ng pang-regalo para maiwasan ang christmas rush at bumili lamang sa mga legitimate sellers lalo na sa online. - sa panunulat ni Maze Aliño-Dayundayon
