Muling nakipagpulong kahapon ang mga tauhan ng Philippine Nationa Police – Criminal Investigation and Detection Group (PNP-CIDG) sa pamilya ng mga nawawalang sabungero.
Ito’y para mas palawigin ang imbestigasyon kung saan, sangkot ang ilang mga pulis.
Sa naging pagpupulong, pinasalamatan ng mga pamilya ng mga sabungero ang PNP-CIDG sa pagtutok sa naturang kaso para mahuli ang iba pang mga sangkot sa krimen.
Nabatid na dahil umano sa patuloy na imbestigasyon ng mga otoridad, nagkaroon ng resolusyon ang Department of Justice (DOJ) laban sa tatlong sangkot na pulis.
Sa kabila nito nanawagan si PNP-CIDG director Pol. Brig. Gen. Ronald Lee, sa mga may nalalaman sa pagdukot sa mga sabungero na makipagtulungan sa kanilang ahensya para agad na maresolba ang kaso.
