Tumanggi si Philippine National Police o PNP Chief Director General Ronald Dela Rosa na mag-komento sa posibleng pagtakbo niyang senador sa 2019 elections.
Sa harap ito ng pagpasok niya sa top 12 ng senatorial survey na isinagawa ng Laylo Research Strategies.
Ayon kay Dela Rosa, nagpapasalamat siya sa pagkunsidera sa kanya ng taongbayan subalit mas nais niyang tutukan muna ang kanyang trabaho bilang hepe ng PNP.
Pang-labing dalawa ang ranking ni Dela Rosa sa Laylo survey kasama sina Quezon City Mayor Herbert Bautista at Senador Nancy Binay.
—-
