Tinukoy ng isang testigo ang mga tauhan at guwardiya ng Manila Arena na umano’y sangkot sa pagkawala ng anim na sabungero.
Ayon sa 22 anyos na saksi na kinilalang si alyas “Arvie”, nakita niya ang mga tanod ng Manila Arena na papalapit sa anim na nawawalang indibidwal.
Nagsampa na ng reklamo ang Philippine National Police Special Investigation Group at Criminal Investigation and Detection Group (CIDG) ng kidnapping at serious illegal detention laban sa management at security personnel ng Manila Arena.
Una nang iniulat ng PNP na nawala ang mga sabungero matapos dumalo sa isang sabungan sa Sta. Cruz noong Enero a-13. —sa panulat ni Mara Valle
