Muling aarangkada ang debate ukol sa Bangsamoro Basic Law (BBL) sa plenaryo ng Kamara bukas.
Nakatakda sana itong gawin ngayong araw ngunit ipinagpaliban upang bigyang daan ang kontra SONA ng oposisyon.
Ayon kay House Majority Leader Neptali Gonzales, magdo-double time sila sa interpellation period sa BBL para matiyak na maihahabol ang pagpapatibay nito hanggang Setyembre bago ito ang talakayin ang 2016 budget.
Nasa 15 kongresista ang inaasahang makikipagdebate sa mga sponsors ng BBL kasama na dito si Zamboanga City Representative Celso Lobregat.
By Rianne Briones
