Anim napung (P60) milyong piso na ang naitatalang pinsala ng El Niño sa agrikultura sa Bicol Region.
Ayon kay OCD Bicol Director Bernardo Alejandro, karamihan sa mga napinsala ng El Niño ang ekta-ektaryang palayan sa mga lalawigan ng Masbate at Camarines Sur na umabot ng hanggang P58 million pesos.
Kaugnay nito, ipinabatid ni Alejandro na mahigit 700 magsasaka ang apektado ng El Niño at karamihan sa mga ito ay nagmula sa mga bayan ng Uson at Cauayan sa Masbate at bayan ng Ragay sa Camarines Sur.
By Judith Larino
