Labis – labis nang umaaray ang mga magsasaka at mangingisda sa epektong dulot ng bagyong Ulysses sa kanilang kabuhayan.
Ito’y ayon sa Department of Agriculture (DA) makaraang ihayag nito na nasa mahigit na P104-M pinsala ang kanilang natiala dahil sa bagyo.
Batay sa datos ng DA, nasa halos 3,000 magsasaka habang nasa mahigit 17,000 ektarya ng lupain ang apektado sa Cordillera, Central Luzon at Calabarzon.
Papalo naman sa halos 8,000 metriko toneladang mga pananim tulad ng palay, mais at kopra ang matinding napinsala bunsod ng mga pagbaha dala ng bagyo.
Gayunman, nakapagsagip ang kagawaran ng halos 70 ektaryang sakahan ng palay sa Cordillera, Cagayan Valley, Central Luzon at Calabarzon dahil sa maagap na pagbibigay babala sa epektong dulot ng bagyo.
Katumbas ito ayon sa DA ng mahigit 341,000 metriko toneladang mga pananim na nagkakahalaga ng mahigit P5-B.
